Sarpur | 19:23

110927418234353722

24 Feb

Stærð og lögun getnaðarlima segir til um persónuleika karlmanna

Íslenskur kynlífsverkfræðingur segist geta greint persónuleika karlmanna eftir stærð og lögun getnaðarlims þeirra. „Jájá þetta er allt saman rock solid. Það eru bara til 5 tegundir karlmanna og þær má þekkja með einföldum samsvörunum á milli getnaðarlims þeirra og matvæla“.

Fékk ég góðfúslegt leyfi verkfræðingsins til að birta þessa flokkun hér svo hægt sé að velja sér maka með æskilega persónugerð.

Bratwursttyppin: Þessi persónugerð virkar oft gróf og leiðinleg á yfirborðinu en þegar dýpra er kafað reynast þeir hafa mestan áhuga á heimilislífi og matargerð. Þeir vilja láta dekra við sig og gráta oft við samfarir.

Agúrkutyppin: Menn með agúrkutyppi eru oft yfirliðagjarnir og hafa lítinn áhuga á kynlífi. Þeir eru þó góðir félagar og sérstaklega skemmtilegir í matarboðum. Flestir þeirra, þó ekki allir, hafa mjög skemmtilegan húmor og nota hann óspart til að ná sér í maka.

Kúrbítstyppin: Konur varið ykkur! Hér er flagari á ferð! Karlar með kúrbítstyppi eru hinir mestu smjaðrarar og veigra sér ekki við að ljúga til að ná konu í ból sitt. Þeir eru oft trúaðir og hafa gaman af fjárhættuspilum.

Piparrótartyppin: Gáfaðir, blíðir og góðir samstarfsmenn. Eigingjarnir elskhugar en bæta þó upp fyrir það með áhuga á listum og góðmennsku. Bestir persónugerðanna 5 til hjónabands og undaneldis en gætu þó haldið framhjá.

Bananatyppin: Afar venjulegir. Hafa áhuga á fótbolta, bílum og tölvum. Eru feimnir og kunna sig ekki nálægt kvenfólki. Hafa í upphafi mikinn áhuga á kynlífi en hætta því fljótt og snúa sér að áhugamálunum.

Es. Ef ykkur finnst eitthvað athugavert við þennan pistil minn þá bendi ég á: http://www.mbl.is/mm/folk/frett.html?nid=1126738