Sarpur | apríl, 2005

111473348981218483

29 Apr
You scored as Latin. You should learn Latin! Though a dead language, Latin is present in science, history, English, and, of course, the Romance languages. Have fun with those declensions!

Latin

60%

Chinese

53%

French

53%

Spanish

47%

Arabic

47%

Japanese

27%

English

20%

What language should you learn?
created with QuizFarm.com

Auglýsingar

111469899394543412

28 Apr

I put the pro in procrastination
Hvernig er þetta hægt? Í dag er ég búin að klára smásögu sem ég er búin að vera lesa í 2 vikur (hún er 10 bls), láta skipta um dekk (hmm…1.apríl?), borga reikninga (fæ örugglega bráðum á mig lögfræðing) og prenta út allar þróun hugbúnaðarglósur í heiminum (hefði kannski átt að gera það jafnóðum). Ástæðan fyrir því að ég rumpaði af öllu þessu drasli sem ég er búin að fresta og fresta er sú að ég er að fresta því að byrja læra fyrir prófin. Að byrja á einhverju tengdu skólanum er nefnilega það næstleiðinlegasta sem ég geri á eftir því að þrífa bílinn minn og herbergið. Kannski ef ég ákveð að þrífa herbergið mitt þá dríf ég í að læra?

111462435993380731

27 Apr

Próflestur hafinn => netpróf

Kip
You are Kip Dynamite and you love technology.

Which Napoleon Dynamite character are you?
brought to you by Quizilla

111430987665385774

24 Apr

Ódýrt apótek
Síðustu vikuna hef ég fengið ómælt magn af spami, alltaf sama bréfið frá mismunandi aðilum. Cheap Pharmacy. Þetta fór mjög í taugarnar á mér þangað til að ég fattaði að kvefið mitt virðist vera að fara. Tilviljun?

111378545640701888

18 Apr

Nokkur orð
…sem ég er ekki viss að séu til í orðabók en ég nota mikið:

  • veseniskisar
  • flauelisbuxur (ekki flauelsbuxur, is-ið borið greinilega fram)
  • ruglumbull
  • fokkedífokk
  • húffalúffar
  • ullabjakk

…sem eru mikið notuð vegna áhrifa frá umhverfinu, þó mér finnist þau ekki góð:

  • satt (true)
  • gaur
  • kúkalabbi
  • nákvæmlega
  • einmitt
  • svaðalega
  • annars
  • reyndar
  • ógeðslega

…sem eru bara notuð í Hafnarfirði eða af gömlu fólki:

  • kjaftatífa
  • ramba
  • i (það er orð)

Þetta er orðaforðinn minn, með honum ætti ég að geta sett saman nokkrar ágætisbloggfærslur og jafnvel eina eða tvær ritgerðir en eitthvað gengur það brösuglega (gott orð, bæta því við gamlingjaorðaforða). Íslenskukunnátta mín er ekki söm eftir verkfræðideild Háskóla Íslands. Klúðraði hrikalega spurningu um Snorra-Eddu í Trivial áðan…hvað er í gangi? Hlýt að vera orðin rosalega góð í verkfræði, hef bara ýtt íslenskunni út til að koma merkjafræði fyrir. Vonandi kemur hún einhvern tímann aftur.

111333465977303590

12 Apr

Það er frekar slæmt
…þegar maður er að horfa á Allt í drasli og stendur sig að því að hugsa: „iss þetta er nú ekkert“ og „eru það nú pempíur“. Mér finnst samt ógeð þegar það er gamall matur og eyrnapinnar. Oj og tannburstar undir þvottapokum. Reyndar er bara frekar slæmt í sjálfu sér að fá svona mikið út úr því að sjá ókunnugt fólk taka til heima hjá öðru ókunnugu fólki. Soffíu frænku konan hefur bara öðlast eitthvað sérstakt kitsch gildi hjá mér eftir að ég heyrði frá Rástu að hún hefði hvorki prumpað né ropað fyrir framan eiginmann sinn og ráðlegði öðrum að vera jafnpenar.

111308255155270445

9 Apr

Raunir Valgerðar ungu
Mikið verð ég glöð ef ég slepp út úr þessum vorprófum lifandi. Hvernig fer ég að þessu? Alltaf sama sagan. Af hverju finnst mér eins og ég hafi toppað andlega á svona 5-8 ára og leiðin síðan þá legið niður á við? Ef einhver hefði sagt mér þegar ég var 5 ára að þegar ég yrði loksins „stór“ þá myndi ég ákveða að fara bara í verkfræði svona til að prófa eitthvað þá hefði ég sagt viðkomandi að fara til læknisins. Nei takk, ég ætlaði sko að verða forseti, apafræðingur í frumskóginum, búðarkona eða læra um fólk í útlöndum (mannfræðingur?). Helst allt þetta. Ég var ung kona með hugsjónir. Síðan þá hafa metnaðurinn og hugsjónirnar farið út í veður og vind. „Jájá dreg bara miða“-aðferðin hefur verið minn helsti förunautur frá því í menntaskóla og nú virðist meira að segja hann vera orðinn of metnaðarfullur fyrir mig. Og ef einhver annar hefði sagt við mig að ég myndi nú bara vera ágætlega sátt við þetta hlutskipti mitt þá hefði ég skellt upp úr…hvílíkur rugludallur. Hvernig verður svona efnilegt 5 ára barn að metnaðarlausu ungmenni sem nennir ekki að velja sér framhaldsnám eða nokkurn farveg í lífinu? Má ég ekki bara horfa á X-files og leggja mig svo? Ég er ekki alveg að meðtaka það að eftir rúma 2 mánuði verði ég kannski komin með háskólapróf…bíddu hvenær gerðist það? Var ég sofandi? Úffpúff…farin til Parísar að finna mig, það er alltaf gert í myndum, drekka rauðvín á kaffihúsi og lesa ljóð. Reyndar er þetta leiðin fyrir íðilfagrar dökkhærðar týpukonur sem kunna frönsku og hugsa ógeðslega mikið, kannski fer ég bara og gerist mjaltastúlka í svissnesku ölpunum, ef ég er dugleg að borða og fer í brjóstastækkun þá hef ég alveg lúkkið í það. Svissnesku alparnir…hljómar eins og staður þar sem ég myndi finna mig. Ég er líka búin að afskrifa 15 ára planið, búa í útlöndum, ein með köttunum mínum, vera ótrúlega klár í doktorsnámi (óskilgreint fag), held það sé ekki málið frekar en apaforsetabúðarkonan. Þarf að redda mér einhverju 25 ára plani sem ég held mig svo bara við. Drög að 25 ára plani óskast í kommentakerfinu, þarf að vera fullt hugsjóna, skemmtilegt og metnaðarfullt. Ætla bara að hanga í einhverju millibilslimbói næstu 2 árin. Byrja svo á 25 ára planinu af fullum krafti. Reyndar held ég að þessi útskriftarkvíði læðist að ansi mörgum þessa dagana. Ekki gaman að vera komin svona óþægilega nálægt því að vera orðin „stór“ og byrjuð að sætta sig við það að vera orðin „stór“. Og þeir sem segja „hvaða væl er þetta Valla?“ verða skotnir á færi…þessar hugsanir læðast að ykkur líka! Annars eruði bara að ljúga.