Sarpur | ágúst, 2005

112545606186859284

31 Ágú

Geir er alltaf búinn að blogga um það sem ég ætla að skrifa
Þannig fyrir nokkra er þetta mikið til endurtekning.

Við leigðum bíl á mánudaginn og keyrðum til Princeton að ná í dót sem Geir hafði sett þar í geymslu. Ferðin gekk mjög vel og við vorum ansi stolt af okkur að geta keyrt og ratað án áfalla í fyrstu bílferð okkar í BNA. Ekki dugði minna en minivan undir alla bókakassana og ég held ég hafi sjaldan séð jafnsveitta og rauða menn og þá Geir og húsvörðinn sem hjálpaði okkur enda voru kassarnir ansi þungir. Nú er samt orðið miklu heimilislegra í íbúðinni eftir að hillurnar voru fylltar af fræðiritum. Við keyptum líka nokkur plaköt: Mynd eftir Monet (ekki vatnaliljurnar, þar setti ég stopp), órangútanunga, úlf, kött að lesa nótur og Ópið eftir Munch featuring Homer Simpson…allt mjög samstætt en gerir óneitanlega heimilislegt.

Í gær (miðvikudag) byrjaði ég svo í skólanum. Geir byrjar ekki fyrr en næsta þriðjudag, lucky bastard, útaf Labor Day. Eins gott að vera ekki í hvítum skóm eftir það sbr. Serial Mom. Dagurinn byrjaði á því að nýnemar voru settir í próf til að meta getu þeirra í ensku. Prófið samanstóð annars vegar af ritgerð um einhvern góðan sið frá heimalandi viðkomandi (ég skrifaði bara um Grýlu og jólasveinana) og hins vegar af hlustunar- og málfræðiæfingum sem flestir Íslendingar hefðu rúllað upp en það voru þónokkrir sem voru másandi og blásandi yfir því hve erfitt þetta próf væri. Svo vorum við sett í bekk út frá getu. Bekkurinn minn samanstendur af fólki frá Kóreu, Japan, Tælandi, Svíþjóð, Þýskalandi og svo einhverjum fleirum (það mættu ekki allir) og mér líst bara vel á þetta allt saman. Kúrsarnir sem ég valdi snúast aðallega um tjáningu s.s. ræðuhald, kynningar og svo framvegis sem er frekar fyndið fyrir semifélagsfælt fólk en örugglega hollt og mannbætandi.

Ég gerði samning við þýska stelpu um að við værum svona conversational buddies og ég myndi tala ensku við hana og hún kenndi mér og hjálpaði mér að æfa þýskuna mína. Tók mér Ölmu þar til fyrirmyndar. Vona bara að hún sé ekki eitthvað frík.

Annars erum við bara búin að vera dugleg að drasla ekki til og elda sjálf svo þið þurfið ekki að vorkenna Geir greyinu fyrir að búa með svona draslara 🙂 Við erum meira að segja búin að baka pönnsur á pönnukökupönnunni sem Lalli og Kata gáfu mér í útskriftargjöf.

Í gærkvöldi fórum við reyndar út að borða á Boston Market, skyndibitastað með heimilismat (hálfgerð þversögn), þar sem Geir bað um mashed potaters (lesist með þýðri rödd Önnu Nicole Smith) og hljómaði eins og besti Suðurríkjamaður. Þarna var eitthvað það fúlasta starfsfólk sem ég hef hitt fyrir. En maturinn var góður. Gaurinn sem var á undan okkur í röðinni var ekki hress með þjónustuna og spurði djúpri bassaröddu hvort þetta væri það sem hann hefði borgað fyrir, hann væri STÓR maður (og vissulega var hann stór ég varð hálfskelkuð en skildi hann vel).

Dagurinn í dag fór svo í að skoða Fornminjasafn háskólans. Þetta er reyndar svona fornminja- og mannfræðisafn. Frekar flott safn. Eftir menningarlegheitin ákvað ég síðan að fara í pílagrímsferð til að hitta mína elskuðu vinkonu H&M. Þrátt fyrir nær klukkutímagöngutúr voru þetta miklir fagnaðarfundir og þessi elska gaf mér meira að segja 20% námsmannaafslátt!

Vá hvað þetta er mikil upptalning. Setti inn tvö ný myndasöfn, annað úr roadtrippinu og hitt er svona samansafn. Það er svolítið mikið af eins myndum í þessu þar sem við vorum að prófa nýju myndavélina en já…ég braut ritskoðunarstefnuna svo fólk þyrfti ekki að þjást. Enn er ekkert fólk nema við Geir á myndunum en það stendur til að bæta úr því 🙂

Auglýsingar

112519486765637176

28 Ágú

Myndir 🙂
Til hliðar undir myndasöfn má sjá fyrsta skammtinn af myndum frá Philadelphiu. Ég fylgi enn óritskoðaðri stefnu og því fengu ljótar myndir, of dökkar myndir og of ljósar myndir að fylgja með. Á tímabili var ég samt farin að veikjast í trúnni og vildi taka út nokkrar ljótar myndir en það er bannað að BRJÓTA EKKI PRINSIPP!
Annars er það helst að frétta að í dag fékk ég að fara í mitt elskaða IKEA og ekki varð ég fyrir vonbrigðum. Onei. Miklu stærra, miklu ódýrara og miklu sænskara IKEA heldur en heima. Auðvitað var til allt úr bæklingnum og þar að auki var hægt að kaupa Giller kanilsnúða, Marabou súkkulaði og fleira sænskt. Þegar ég síðan kom heim blasti við mér auglýsing: Hópferð Sansom Place East (byggingin okkar heitir það) í IKEA! Ég með!
Við fórum líka í göngutúr niður í miðbæ Philadelphiu og skoðuðum okkur um þ. á m. Liberty Bell, Independence Hall og South Street, sem er með skemmtilegri götum sem ég hef heimsótt.

112508247894060000

26 Ágú

Philadelphia Story
Við erum komin heilu og höldnu til Philly og búin að koma okkur ágætlega fyrir í íbúðinni. Reyndar vantar eitthvað af dóti en við þraukum alveg daginn án klósettbursta og þess konar óþarfa:D Ferðin gekk eiginlega alveg ótrúlega vel, við fengum allan farangurinn okkar, komumst auðveldlega í gegnum toll og vegabréfsskoðun og lestin og leigubíllinn gengu eins og í sögu.
Við erum alveg á miðjum campus svo líklega munu áætlaðar heilsubótargöngur mínar ekki vera jafnlangar og ég ætlaði mér. Það er eiginlega hálfskrítið að vera hérna á svæðinu. Ég hef aldrei verið á stað sem er svona vel sniðinn að líferni aldurshópsins 18-30 ára. Fullt af kaffihúsum, skemmtilegum búðum (t.d. Urban Outfitters, bless bless peningar), bókabúðir (bless bless restin af peningunum) og svona passlega stórum matvörubúðum sem eru opnar allan sólarhringinn. Ekki leiðinlegt. Ég er samt búin að ákveða að halda fast að mér peningaveskinu og falla ekki í freistni.
Íbúðin er bara mjög fín, rúmgóð og snyrtileg þó að hún sé nú ekkert töff en ég bjóst nú ekki við því. Við erum með ísskáp, 3 gashellur, örbylgjuofn,sjónvarp með svona 7 stöðvum og loftræstingu (mjög gott) svo okkur skortir hreint ekkert. Íbúðin er á 19. hæð (mamma hættir vonandi ekki við að heimsækja mig útaf því) og býður upp á útsýni yfir allan campusinn og meira til 😀 Það er rosalega flott að geta horft yfir svona stóran hluta af borginni á kvöldin.
Í dag erum við svo búin að rölta milli skrifstofa og skynsamlegra búða og reyna redda öllum formsatriðum,tilkynna komu okkar o.s.frv.. Hittum fyrir mikið af sérstöku fólki. T.d. gamlan mann sem ákvað að taka Magga Scheving á þetta og hendist niður á gangstétt og tók 10 armbeygjur. Það var reyndar búið að segja mér að í Philadelphiu væru allar tegundir af fólki og fordómar fyrir sérvitringum af skornum skammti. Mér líst vel á þetta. Hendi svo inn myndum af íbúð og nánasta umhverfi á morgun.

112497250109236763

25 Ágú

Farvel Frón
Loksins loksins eftir margra ára væl er ég að fara til útlanda lengur en í 3 vikur vúhú! Spennan er í hámarki og ég lofa að vera dugleg að blogga og setja myndir. Búin að fá pönnukökupönnu, djúpalónsperlu, fjögurra laufa smára og sambúðargaldur svo ekkert getur klikkað 😉 Fór næstum að grenja í gær því ég á svo góða vini og fjölskyldu. Hata goodbyes 🙂

112422013516472432

16 Ágú

Saumómyndirnar
Þið getið annaðhvort séð þær hér eða náð í þær hér.

112345037568144323

7 Ágú

Trophy boyfriend
Haldiði að hálfnorska gáfumennið sé ekki bara í Fréttablaði laugardagsins? (sjá hér bls 42, passa sig samt þetta er ~14 MB)