Sarpur | febrúar, 2007

Óskarinn

26 Feb

…er það bara ég eða er hinn nýsköllótti Jack Nicholson alveg eins og Ómar Ragnarsson? Er Ómar þá orðinn kyntákn?

Þar sem ég er ekki á landinu…

24 Feb

þá vil ég óska Siggu og Ingu (og öllum sem ég vissi ekki að væru að útskrifast) til hamingju með útskriftina.

 Sigga þetta er gjöfin þín, vonandi dansaru við þetta í einhverri röð í nótt:

Inga þetta er gjöfin þín, það var ekki ég sem kyssti plakatið:

Tilviljun?

23 Feb

Eiríkur Hauks og kona hans byrjuðu saman 10. mars.

Við Geir byrjuðum saman 10. mars.

Eiríkur er „norskur“.

Geir er „norskur“. 

Eiríkur á leðurbuxur.

Geir á leðurjakka.

 Geir:

 eiki.jpg

Eiríkur:

 eric.jpg

Bloggað fyrir tré og spjót

3 Feb

…tryggustu lesendur mína. Ég er komin með nýtt áhugamál. Þetta áhugamál bætist við aragrúa töff áhugamála eins og smáauglýsingalestur, netpróf og húsgagnaleit í ruslagámum. Nú er ég lögst í ferðabloggslestur. Þetta er að sjálfsögðu bara tilbrigði við stef þar sem persónunjósnir hafa lengi verið mikið áhugamál og ef ég má segja, hæfileiki. Þessi perversjón hefur samt verið lengi í þróun og byrjaði held ég þegar ég las Jón Indíafara í MR. Uppáhaldsferðabloggið mitt í dag er blogg frænda míns sem ég hef aldrei hitt svo ég muni en mamma hans sagði mömmu minni og sennilega allri stórfjölskyldunni slóðina (við erum skyld í 4. ættlið að mig minnir). Ástæðan fyrir uppáhaldinu er hvað hann tekur ótrúlega flottar myndir. Eiginlega verð ég að viðurkenna að ég les ekkert alltaf textann. Mín versta martröð er að mitt blogg fari á ættarpóstlistann, þá þarf ég að fara skrifa eitthvað gáfulegt. Þess má geta að ferðabloggarinn er bróðir verkfræðiKjartans, sem þar af leiðandi er líka frændi minn. Vissi það samt ekki fyrr en ég var útskrifuð, þ.e. að Kjartan sé frændi minn. Svo er kunningi Geirs sem ég hef bara hitt einu sinni og þá var ég því miður með endæmum hress og tók upp á að kynna mig sem var ekki sniðugt, sem betur fer man annað fólk vanalega ekki eftir svona vitleysu þó ég muni allt. Svo er vinkona Guðnýjar frænku og svo framvegis. Þetta er endalaus brunnur og góð upplyfting. Mæli með þeim fyrir lasarusa sem eru búin að lesa allt sem þeir komast í. Get sent tengla ef vill.

 Annars er allt gott að frétta af mér. Skólinn er kominn á fullt skrið og ég er aðallega að vinna að tveimur ritgerðum, önnur er um beinþynningu og hin er um HIFU (High Intensity Focused Ultrasound) sem ég skal útskýra betur þegar ég er búin að skrifa ritgerðina en það er fáránlega spennandi efni. Síðan fyrir mánaðarmót þarf ég að ákveða hvaða kúrsa ég vil taka í mastersnáminu og hvort ég ætla að skella mér í rannsóknir og skrifa ritgerð eða taka kúrsa og vinna í 6 mánuði (prógrammið býður upp á 6 mánaða internship án vegabréfsáritunarvesens). Báðir möguleikarnir hafa kosti og galla og ég veit ekki alveg í hvorn fótinn ég á að stíga.

Svo ætlum við Gear (usa framburður) að reyna að prófa að fara í leikfimi í næstu viku því það er ókeypis 🙂 Námskeiðin sem boðið er upp á eru fjölbreytileg. T.d. getum við lært Swedish Massage og hip hop dans. Tagline-ið fyrir hip hopið er Want to learn the MTV style of dancing? Lokkandi en þökk sé Ragnheiði leikfimikennara („þið lélegu þarna aftast“) þá hef ég litla trú á hæfileikum mínum til að læra spor. Dansa bara freestyle.

Yfir í annað. Ég fékk skrítna hugmynd í dag sem mér finnst samt vera framkvæmanleg. Meira um það seinna þegar ég er búin að útfæra hana betur.