Undur og stórmerki, ég er á lífi og meira að segja nokkuð hress ef frá eru taldar harðsperrur í vinstra læri. Það er búið að vera (og er enn) mjööög mikið að gera. Skemmtilegast var að fá Ösp í heimsókn og fara með henni til New York þar sem við sameinuðum krafta okkar og matarást. Þessi kræsingaferð verður seint toppuð að miklu leyti þökk sé Ragnheiði Helgu en hún er einn besti gestgjafi sem sögur fara af. Leiðinlegast var að fara að heiman þó að það hafi líka verið mjög gaman að koma út. Þessi togstreita fylgir víst. Finnst sárast að missa af Airwaves tónleikunum hjá Guðrúnu Helgu 😦 Svo er skólinn kominn í gang og þar fyrir utan erum við Geir byrjuð í tennis (=> harðsperrur í vinstra læri) ásamt því að ég skellti mér á teikninámskeið til að rifja upp gamla takta frá því í 10. bekk.
nú fer maður bara hjá sér… en hvað bara harðsperrur í vinstra læri, þú hefur ekki reynt nógu mikið á þig – á maður ekki að fá harðsperrur út um allt? 😉
Hey! Ég er ýkt stolt af þér að fara í tennis og teikninámskeið. Þú verður á Airwaves í anda ! Getur skellt þér í gufubað beint eftir tennis æfingu, þetta verður eflaust eitthvað svipað! OG við tökum allt upp, og þá færðu á sjá vidjó á netinu eða um jólin. Svo sendi ég þér diskinn eins fljótt og hægt er, þetta verður bara alveg eins og þú sért hér!
Ég er einnig mjög ánægð með að þú skyldir blogga 🙂
hehe ég fæ líka alltaf svona skrýtnar harðsperrur bara í hægri upphandlegg eða eitthvað svoleiðis!!! sammála með bloggið, gaman að sjá nýja færslu og gangi þér rosavel með allt sem er í gangi!
Ætlaði bara að kvitta fyrir komuna, kem alltaf til að forvitanst um hvað þú ert að gera. Bara rosa dugleg í tennis 🙂
loksins blogg:) vona að þú sért betri í tennis en ég, vinur minn reyndi að kenna mér einu sinni en hefur aldrei boðist til að gera það aftur (held að ástæðan sé hvað það týndust margir boltar!).
já gestgjafamennskan var alveg í hæsta gæðaflokki, heyrðu ég skal bara taka út tónleikana fyrir þig 😉 er reyndar að treysta á að árni gefi mér passa sem er alls ekki 100% svo æji, redda allavegana einhverjum til að lýsa stemmernum:)
skemmtilegt hvað matarást mín er nefnd í öllum færslum tengdum ferðalaginu hahaha,
ánægð líka með tennisdæmið það er eighties 😉
hafðu það gott